အခွန်အယူခံခုံအဖွဲ့နှင့် အခွန်အယူခံခုံအဖွဲ့ရုံး ဝန်ထမ်းများ၏ စုပေါင်းမဟာဘုံကထိန် သင်္ကန်းဆက်ကပ်လှူဒါန်းပွဲ အခမ်းအနား

အခွန်အယူခံခုံအဖွဲ့နှင့် အခွန်အယူခံခုံအဖွဲ့ရုံး ဝန်ထမ်းများ၏ စုပေါင်းမဟာဘုံကထိန် သင်္ကန်းဆက်ကပ်လှူဒါန်းပွဲ အခမ်းအနားကို ၁၃-၁၁-၂၀၂၄ ရက် (ဗုဒ္ဓဟူးနေ့) နံနက်ပိုင်းတွင် အခွန်အယူခံခုံအဖွဲ့ရုံး၊ စုပေါင်းခန်းမ၌ ကျင်းပပြုလုပ်ရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၃)၊  ဒုတိယဝန်ကြီးနှင့် ဇနီး၊ အခွန်အယူခံခုံအဖွဲ့ ဥက္ကဋ္ဌနှင့် ဇနီး တို့က လယ်ဝေးမြို့နယ်၊ အမှတ်(၅)ရပ်ကွက်၊ အင်တိုင်းသာကျောင်းတိုက်၊  လယ်ဝေးမြို့၊ မြို့နယ်သံဃာ့နာယက အကျိုးတော်ဆောင် ဆရာတော် မဟာသဒ္ဓမ္မဇောတိကဓဇ ဘဒ္ဒန္တ ဥတ္တမသာရ အရှင်သူမြတ်အား ကထိန်လျာသင်္ကန်းနှင့် လှူဖွယ်ပစ္စည်းများကိုလည်းကောင်း၊ အခွန်အယူခံခုံအဖွဲ့ အဖွဲ့ဝင်များ၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်နှင့် အရာထမ်း၊ အမှုထမ်းများက ပင့်ဖိတ်ထားသည့် ဆရာတော်သံဃာတော်များအား ကထိန်သင်္ကန်းနှင့် လှူဖွယ်ပစ္စည်းများကိုလည်းကောင်း ဆက်ကပ်လှူဒါန်းခဲ့ကြပါသည်။

ကထိန်သင်္ကန်းဆက်ကပ်လှူဒါန်းပွဲအခမ်းအနားတွင် ပဒေသာပင် ၆ ပင်၊ တန်ဖိုးငွေကျပ် ၄,၄၉၉,၆၀၀ ၊ လှူဒါန်းငွေကျပ် ၂,၅၀၀,၀၀၀ ဖြစ်သဖြင့် စုစုပေါင်းလှူဒါန်းမှုမှာ တန်ဖိုးငွေကျပ် ၆,၉၉၉,၆၀၀ ဖြစ်ပါသည်။