တပေါင်းလပြည့်နေ့ ၂၄-၃-၂၀၂၄ နေ့တွင် မာရဝိဇယဗုဒ္ဓရုပ်ပွားတော်မြတ်ကြီး၌ ဘွဲ့တံဆိပ်တော်ဆက်ကပ်ခြင်းခံရသော သံဃာတော်အရှင်သူမြတ်များနှင့် သီလရှင်ဆရာကြီးများအား ဆွမ်းဆန်တော်လောင်းလှူပွဲအခမ်းအနားသို့ တက်ရောက်လောင်းလှူကုသိုလ်ပြုခြင်း

မာရဝိဇယဗုဒ္ဓရုပ်ပွားတော်မြတ်ကြီး၌ ၂၄-၃-၂၀၂၄ ရက်နေ့ (တပေါင်းလပြည့်နေ့)တွင် ကျင်းပပြုလုပ်သော ဘွဲ့တံဆိပ်တော်ဆက်ကပ်ခြင်းခံရသည့် သံဃာတော်အရှင်သူမြတ်များနှင့် သီလရှင်ဆရာကြီးများအား ဆွမ်းဆန်တော်လောင်းလှူပွဲသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂) ပြည်ထောင်စုဝန်ကြီး ဦးအောင်နိုင်ဦး၊ ဒုတိယဝန်ကြီး ဦးထင်ကျော်သူ နှင့် ဇနီး၊ အခွန်အယူခံခုံအဖွဲ့ ဥက္ကဋ္ဌ ဦးမြင့်ဦး၊ အခွန်အယူခံခုံအဖွဲ့ အဖွဲ့ဝင် ဦးဝင်းနိုင်၊ အခွန်အယူခံခုံအဖွဲ့ရုံး ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်နှင့် အရာထမ်း၊ အမှုထမ်းများမှ တက်ရောက် ကုသိုလ်ပြုလောင်းလှူခဲ့ကြပါသည်။